( الموت على الطريقة المصرية ))

عاوز تموت شهيد !!!
يا تركب قطر
يا تركب عباره
... ياتركب طياره

عاوز تموت من الجوع !!!
ياتشترى شقه بالقسط
ياتشترى عربيه بالقسط
يا تدخل عيالك مدرسة خاصة

عاوز تموت من الحسره !!!
ياتتفرج على الفاترينات فى سيتي ستارز
ياتروح زيـــاره لمارينــا

عاوز تموت من الغيظ !!!
ياتتفرج على القنوات المحليه
ياتتفرج على النشره الجويه

عاوز تموت من الزهق !!!
ياتستنى الإشاره لما تفتح
ياتستنى دورك فى التأمين الصحي
ياتستنى دورك فى الفرن

عاوز تموت من الهبل !!!
يا تسمع تصريحات المسئولين بعد كل كارثة
يا تتفرج على برامج المسابقات

عاوز تموت مخنوق !!!
ياتروح مصلحه حكوميه
يا تقرا الجريده اليوميه

عاوز تموت من الخضة !!!
يا تركب ميكروباص
يا تعدى الشارع على رجليك

عاوز تموت مفروووس !!!
ياتقف تستنى تاكسي
ياتركب الترام

عاوز تموت مرعوووووب !!!
ياتستنى نتيجه الثانويه العامه
ياتستنى نتيجه التحاليل عند الدكتور

عاوز تموت مشهور !!!
ياتتجوز رقاصــه
ياتنصب على بنك

عاوز تموت مليونير !!!
ياتعمل فيديو كليب
ياتلعب كوره

عاوز تموت ورا الشمس !!!
ياتشغل مخك
ياتفتح بؤقك

عاوز تموت من الحزن !!!
ياتحط الحكومه في بالك
يــــا تشجع الزمالـــك

عاوز تموت من الضحك !!!
يا تسمع تصريحات وزارتا الصحة و التعليم
يا تروح تتطعم من أنفلوانزا الخنازير

عاوز تموت في حالك !!!
اعمل نفسك دايما ، مش واخد بالك ...؟؟؟